close
換完水之後,魚缸水混濁
2星期前魚缸換完水之後,D水越來越混濁,好似有D白色嘅霧喺水裡面.我去金魚街問過,原來我洗魚缸時,將濾水器個生物環剪穿咗.但我換了一個新嘅生物環,情況都係咁.請問知唔知係咩原因,有咩辦法.
但其實好多時係因為你經常換水, 洗濾水器, 所以唔能夠養出一些硝化細菌, 我以前都試過, 越整越衰. 問題就是你清洗左濾水器, 令到佢無了硝化細菌, 你現在可做的, 再換大半缸舊水, 落d硝化細菌藥水, 死都唔好再洗濾水器, 等三天一定發覺水會慢慢變清. 濾水器不用時常洗, 就算要洗棉花, 都要用換出來的魚水洗, 如果唔係就又殺死d硝化細菌, 水又再變濁. 信不信由你, 我問左好多金魚店同自己試過先夠膽講, 因為好多人, 包括我都好憎見到d水好濁. 現在我保持三至四天換三份一, 一星期換五份三, 唔洗濾水器, 只用魚水洗棉花, d水清到你唔信 . 但要記住, 不要落清水劑, 會殺死晒d有益細菌, 治標不治本呀!
好多朋友養金魚總會覺得d水成日都好濁，即使加了甚麼活性炭，硝化細菌都係於事無補，慢慢d水又會變得很濁。其實，要處理呢個問題係好容易，這亦係養金魚最基本的法則，就係勤換水。換水對金魚係非常重要，在美觀及防止疾病方面尤其重要，好簡單，如果一缸魚經常煙雨濛濛，你們慢慢就會開始失去玩金魚的興建，因為你們好難可以欣賞到金魚暢泳既美態；再者，因為金魚大量排洩，產生出來的氨對魚隻傷害極大，唯有經常換水才可有效減低水中氨的含量；此外，經常換水會加速魚隻新陳代謝，提高牠們食慾，某程度上令魚隻快長大；還有，清澈水質可以讓你更易觀察魚隻身體狀況(如爛肉)，能讓你更快作出適當的治療。你們會問，經常換水是否會把大量硝化菌換走？其實，硝化菌在金魚缸內並不是最重要的東西，因為即使有一個良好的硝化系統，仍然唔能夠分解到金魚大量排洩所產生的氨，因為金魚排便量及時間實在太快及驚人，硝化系統還來不及分解，新的廢物又出現了，由此可見，最直接有效排走缸內的氨，就是換水。小弟家裡地方有限，30吋缸養了30多條大小金魚，不過仍能保持清澈，秘訣係每星期務必將80%的舊水換走，我的做法係3天換走5份3，如是這每3天必須要做，新水只須加入除重金屬、除氯劑及粗鹽便可，其他的所謂甚麼清水劑，我發覺還是少落為妙。加個過濾器~水器係金魚缸裡面非常非常重要的設備，佢負責將金魚排出的廢棄物及微粒吸到隔綿裡。我師父教我，對一個金魚缸來說，濾水器係唔怕多，佢話多個濾水器同時運轉可以更有效及安全(萬一其中有一個突然出現故障)，所以，以我家的來說，我一共有3套過濾器。有這麼多濾水器同時亦有一個很重要的功用，就係當你要清洗其中的一個濾水器，這個濾水器的硝化系統可能洗掉，另一個(或其他)濾水器可以繼續保持自身的硝化系統，這樣，魚缸內的硝化系統就唔會崩潰。好啦，同大家講下濾水器的種類及在金魚缸上的優劣。1)缸頂式-這是最普遍的一種濾水器，置於缸頂。其好處在於：a)價錢平。b)容易打理，適合金魚缸濾綿要經常清洗的情況。c)其出水處某程度上可作氣泵用途，能夠將空氣打入水中。d)不會霸佔缸內空間。e)放濾材的空間較多，適合金魚缸需要大放置大量濾綿。f)加新水時可以透過缸頂濾盒將新水加入魚缸，從而不會對魚隻做成很大的水質衝撞及刺激。g)過濾效能比較好。其劣處在於：a)水柱打落缸內聲音較嘈。b)霸佔了缸頂位置，有可能遮擋了缸的燈光。2)缸內式-俗稱潛水過濾，置於缸內。其好處在於：a)寧靜。b)可以為魚隻提供橫向的水流，讓魚隻透過不斷游泳而更快長大。其劣處在於：a)霸佔缸內空間。b)不能完全將廢物帶離魚缸。c)放濾材的空間很有限，不適合金魚缸需要大放置大量濾綿。d)過濾效能不及其他過濾器好。e)清洗比較麻煩。3)濾桶式-透過特製膠喉將污水送到設在缸外的桶形濾水，將已過濾的水送回缸內。其好處在於：a)寧靜。b)可以為魚隻提供橫向的水流，讓魚隻透過不斷游泳而更快長大。c)不會霸佔缸內空間。d)放濾材的空間是最多，適合金魚缸需要大放置大量濾綿。e)過濾效能比較好。其劣處在於：a)需要額外空間存放。b)價錢較貴，一個德國品牌要上千元一個。c)如選了些差劣產品，更會有漏水可能。d)清洗比較麻煩。另外，有些朋友喜歡選擇一種叫壓力箱的過濾，在我而言，我覺得這種濾水器清洗方面十分麻煩，單單開螺絲便會感到苦惱，所以，還是一般缸頂會比較方便。好了，綜合以上分析，大家應該明白如何為金魚缸選擇濾水器。小弟家裡30吋缸，所用的係AA頂濾，配合1個國產大型濾桶及1個P-20濾桶。其實，在經濟角度而言，我會建議你們可以選擇1個AA頂濾配合1個國產濾桶，使總過濾效率提高，因為一個國產的濾桶，價錢都係200元左右，相反，買一個同樣出水力的德國濾桶，可能要差不多2000多元，一個國產濾桶也可以用得上2-3年，我認為將買濾桶的錢省下，去買一些精品金魚更為化算。實養金魚在濾材選擇方面好簡單，只有3樣野。1)白綿-放在最頂層(污水最先到達的地方)金魚糞便較多，白綿提供了一個很理想的過濾，我們只須要放入大量白綿便可以有一個很好的物理及生物過濾環境，一般來說，放入約6-8層就可以。另外，白綿在清洗方面亦較易，不過要留意，清洗白綿的時候，我們只須要沖洗最面的1-2層便可，以下的可以不用經常沖洗，最面一層可以3天至7天洗一次，其他的可1月左右洗一次，洗較下的白綿，盡量不要一次過洗晒，可分2-3次清洗。白綿有個缺點，清洗太多會爛，坊間有些較硬身的白綿(如Ax牌)比較耐用，可以將這1層放在最頂。2)生物環生物環對培養硝化菌亦有1定的功效，可買一些質量較好的生物環，用碳袋乘著，放在白綿以下。另外，最好在最後的一層也舖上1層白綿，這確保生物環等碎屑及微粒不會丟入缸中。3)活性炭用作辟味除臭，不過用上了1個多月就要更換，否則吸唔到味不但止，更會釋放有毒物質。不過，坊間有種說法，說活性碳會使金魚甩色，其實，我自己亦沒有用，可能因為我換水較密關係，水不會很臭。4)不須使用之濾材a)生物綿-因為生物綿洞口較細，金魚糞便容易堵塞，所以不宜使用。b)水妖精-跟生物綿一樣道理，金魚糞便容易堵塞。c)其他化學性之濾材如吸氨石，麥飯石，除亞硝酸鹽包等，因為可能會令金魚之體色產生不可預知的變化。5)缸底過濾-俗稱格屎板這種過濾，如果掌握得好，對金魚來說亦是一個不錯的選擇，在底喉上舖上幼沙，底喉有效將金魚糞便及微粒吸入，令水質清澈，不過，沙底必須要在4-6個月內徹底清洗一次，不過，對於格屎板的清洗，對大部份人來說是一件苦事。其實你所指"生物環剪穿咗",是否講袋住生物環個網比你剪穿咗,如果係o既都唔須要換晒D生物環.可以用回舊的.但現在當然唔好再換啦.水混濁有好多原因,當然要先查出問題啦.過濾方式都分幾種唔同o既.想知你用嘜作過濾,用桶,或是頂層過濾......當你用桶啦,除生物環外,你有冇加塊過濾棉呀,只用生物環唔加棉係唔work.另有冇種草,有o既通常係水面都有層所謂油面係度(唔知是否你講o既"白色o既霧",o甘就用吸油器啦.其實落藥劑整清D水我係唔讚成的,始終都係化學野.如果d魚無異常，常多一排就無事；但如果魚是游上水面，無故死亡…則表示水有問題，建議馬上進行分階層換水。(如每次換水1/4)因為個濾水器太dirty啦...你要洗下佢....洗魚缸？？？點解會洗魚缸？洗完魚缸後,人類會覺得好乾淨,但魚就會好快死。剪穿左個生物環？係剪爛定剪穿呀？生物環係一個個好似芝士圈狀既野黎,就算剪爛左都只會分開兩份,除非你剪到佢碎晒啦。換了一個新嘅生物環？？？一個？你個魚缸只放一個生物環？一個有何用？若我誤會了你只是換了另一個來代替整袋裡,其中被你剪穿／剪碎／剪爛的那一個生物環的話,那你又何須特意地換回那一個呢？總知你的問題很難令人明白。換完水,水很濁,因為水中有沉澱物,以及生化系統還未建立好,我都係咁；養多一排就會清番。但以你又洗缸又成缸水換晒黎講,我睇你都幾難養到魚。換完水．．．一般半日ｄ水就會由混濁變清．．．如唔係．下ｄ清水濟都ｏｋ
以上文章來自奇摩知識家，如有侵犯請留言告知
https://tw.answers.yahoo.com/question/index?qid=20061215000051KK01387